Mitohy sy miroso hatrany ny fanatanterahana ireo fotodrafitrasa rano fisotro madio manerana an’i Madagasikara, ho fanamafisana ny fahafahan’ny mponina misitraka rano madio, azo antoka ary maharitra.

Vita soa aman-tsara ny fametrahana ny fotodrafitrasa rano fisotro madio ao Antambohomena, Fokontany Ambohimanandray, Kaominina Ambatomirahavavy. Ahitana rafitra gravitaire mampiasa rano avy amin’ny loharano roa ity fotodrafitrasa ity, miaraka amin’ny réservoir béton armé mirefy 9m³ sy toby famatsian-drano miisa fito.

Tokantrano manodidina ny 𝟏𝟗𝟎 no misitraka mivantana ity tetikasa ity, izay notohanan’ny Fandaharan’asa PAGLI tamin’ny alalan’ny OPCI 3AI, niaraka tamin’ny fandraisana anjaran’ny Fokonolona sy ny Kaominina Ambatomirahavavy.

Ity fotodrafitrasa ity dia manampy amin’ny fanatsarana ny fari-piainan’ny mponina, amin’ny alalan’ny fanomezana rano fisotro madio azo antoka sy maharitra, Ary manohana ny fampandrosoana ara-tsosialy eny ifotony