Mitaky fandrindrana matanjaka sy fiaraha-mientana mahomby ny fanatrarana ny tanjona nasionaly amin’ny sehatry ny Rano, ny Fanadiovana sy ny Fidiovana (EAH/WASH). Ho fanamafisana izany indrindra no nanatanterahan’ny Minisiteran’ny Rano, ny Fanadiovana sy ny Fidiovana, anio 𝟐𝟖 𝐦𝐞𝐲 𝟐𝟎𝟐𝟔, ny Fivoriambe Nasionalin’ny fandrindrana ireo mpiara-miombonantoka eo amin’ny sehatra EAH/WASH, notarihin-dRamatoa Minisitry ny Rano, ny Fanadiovana sy ny Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, tao Ivandry.

Sehatra stratejika ho an’ny fifanakalozan-kevitra sy fandrindrana ireo laharam-pahamehana nasionaly ity fihaonana ity, ahafahan’ireo 𝐀𝐧𝐝𝐫𝐢𝐦-𝐩𝐚𝐧𝐣𝐚𝐤𝐚𝐧𝐚, 𝐦𝐩𝐢𝐚𝐫𝐚-𝐦𝐢𝐨𝐦𝐛𝐨𝐧𝐚𝐧𝐭𝐨𝐤𝐚 𝐚𝐫𝐚-𝐭𝐞𝐤𝐧𝐢𝐤𝐚 𝐬𝐲 𝐚𝐫𝐚-𝐛𝐨𝐥𝐚, 𝐦𝐩𝐚𝐦𝐚𝐭𝐬𝐲 𝐯𝐨𝐥𝐚, 𝐟𝐢𝐤𝐚𝐦𝐛𝐚𝐧𝐚𝐧𝐚, 𝐧𝐲 𝐟𝐢𝐚𝐫𝐚𝐡𝐚𝐦𝐨𝐧𝐢𝐦-𝐩𝐢𝐫𝐞𝐧𝐞𝐧𝐚 𝐚𝐫𝐲 𝐬𝐞𝐡𝐚𝐭𝐫𝐚 𝐭𝐬𝐲 𝐦𝐢𝐚𝐧𝐤𝐢𝐧𝐚 mandrindra bebe kokoa ny fandraisan’anjarany amin’ny fampandrosoana ny sehatry ny rano, ny fanadiovana ary ny fidiovana manerana ny faritra rehetra eto Madagasikara, fa indrindra any amin’ireo faritra marefo.

Anisany ifantohan’ny dinika mandritra ity fivoriambe ity ny fanamafisana ny rafitra fandrindrana nasionaly, ny famantarana ireo tetikasa stratejika mila tohana ara-bola, ary ny fampifanarahana ireo fandaharan’asa amin’ny Politika Nasionaly momba ny Rano, ny Fanadiovana ary ny Fidiovana (PNEAH) sy ny Politika Ankapoben’ny Fanjakana ho an’ny Fanavaozana (PGE-R).

Marihina ihany koa fa natomboka tamin’ity fihaonana nasionaly ity ny fanomanana ny Paikady sy Drafitra Nasionaly EAH 2026-2030, ny dingana fahatelo amin’ny TrackFin, ary ny WASH Compact 2026-2030, rafitra stratejika hanamafisana ny fahazoan’ny mponina rano fisotro madio, fanadiovana ary fidiovana maharitra.

Manamafy indray ny Minisiteran’ny Rano, ny Fanadiovana sy ny Fidiovana fa ny fiaraha-mientana sy ny fandrindrana mahomby no antoky ny fanatrarana ny tanjona : rano fisotro madio sy tolotra EAH maharitra ho an’ny Malagasy rehetra.