Mitohy hatrany ny hetsika fifaninana Fokotany Madio, izay mampiroborobo ny fahadiovana sy ny fidiovana eny anivon’ny fiarahamonina. Zava-dehibe amin’izany ny 𝐟𝐚𝐦𝐩𝐚𝐡𝐚𝐟𝐚𝐧𝐭𝐚𝐫𝐚𝐧𝐚 𝐬𝐲 𝐟𝐚𝐦𝐩𝐢𝐡𝐚𝐫𝐚𝐧𝐚 𝐧𝐲 𝐂𝐨𝐝𝐞 𝐌𝐮𝐧𝐢𝐜𝐢𝐩𝐚𝐥 𝐝’𝐇𝐲𝐠𝐢è𝐧𝐞 (𝐂𝐌𝐇), fitsipika iombonan’ny rehetra arahina isan-tokantrano sy isam-batan’olona ho fiarovana ny fahasalamam-bahoaka.

Tontosa tao amin’ny BMH araka izany ny fitsapana mialoha (pré-test) mikasika ny fandinihana sy fanombanana ireo horonantsary momba ny CMH. Ireo fitaovana ireo dia novolavolaina hanamafisana ny fanentanana sy hanampiana ny olom-pirenena hahatakatra sy hanaja bebe kokoa ny fahadiovana sy ny fidiovana eto anivon’ny Commune Urbaine Antananarivo.

Nandray anjara tamin’ity pré-test ity ny solontena avy amin’ny sokajin’olona samihafa: mpivarotra, renim-pianakaviana, mpampianatra ary mpiasa birao. Naneho hevitra sy soso-kevitra izy ireo mba hanatsarana ireo horonantsary, ka hahatonga azy ireo ho mazava kokoa, mora takarina ary mahomby amin’ny fampitana hafatra ho an’ny besinimaro.

Ny tanjona dia mazava:�- fanatsarana ny fahasalaman’ny mponina�- fananganana tanàna madio, milamina ary mendrika ho an’ny rehetra eto Antananarivo .

Ity hetsika ity dia vokatry ny fiaraha-miasan’ny MEAH, ny CUA ary ny WaterAid, izay samy miezaka tsy an-kijanona hampiroborobo ny fahadiovana sy ny fidiovana ho tombontsoan’ny rehetra.