Notanterahina ny 14 ka hatramin’ny 17 septambra tao amin’ny Faritra Anosy sy Androy ny fanaraha-maso ny fanatanterahana ny asa momba ny fampisitrahana Rano fisotro madio ao anatin’ny 𝐓𝐞𝐭𝐢𝐤𝐚𝐬𝐚 𝐌𝐈𝐎𝐍𝐉𝐎, izay tanterahin’ny 𝐌𝐢𝐧𝐢𝐬𝐭𝐞𝐫𝐚𝐧’𝐧𝐲 𝐑𝐚𝐧𝐨, 𝐧𝐲 𝐅𝐚𝐧𝐚𝐝𝐢𝐨𝐯𝐚𝐧𝐚 𝐬𝐲 𝐧𝐲 𝐅𝐢𝐝𝐢𝐨𝐯𝐚𝐧𝐚 (𝐌𝐄𝐀𝐇), miaraka amin’ny 𝐁𝐚𝐧𝐤𝐲 𝐈𝐫𝐚𝐢𝐬𝐚𝐦-𝐩𝐢𝐫𝐞𝐧𝐞𝐧𝐚 sy ireo mpiara-miombonantoka ara-teknika sy ara-bola.

Nifantoka tamin’ny fanamarinana mivantana ny zava-bita sy ny fahatomombanan’ireo fotodrafitrasa, ny fanombanana ny kalitaon’ny asa ary ny famantarana ireo fanatsarana ilaina amin’ny fitohizan’ny tetikasa ny fanaraha-maso.

Anisan’ny nojerena manokana ny 𝐩𝐢𝐩𝐞𝐥𝐢𝐧𝐞 𝐌𝐚𝐧𝐝𝐫𝐚𝐫𝐞-𝐒𝐚𝐦𝐩𝐨𝐧𝐚, mba hanamarinana ny fahombiazan’ny rafitra taorian’ny herintaona nampiasana azy, ny fanarahana ireo fenitra ara-teknika ary ny faharetan’ny fotodrafitrasa, ho fanomanana ny fandraisana ofisialy sy farany. Nifantohan’ity iraka ity ihany koa ny fanaraha-maso 𝐢𝐫𝐞𝐨 𝐟𝐨𝐭𝐨𝐝𝐫𝐚𝐟𝐢𝐭𝐫𝐚𝐬𝐚 𝐟𝐚𝐦𝐚𝐝𝐢𝐡𝐚𝐧𝐚 𝐧𝐲 𝐫𝐚𝐧𝐨 𝐦𝐚𝐬𝐢𝐫𝐚 𝐡𝐨 𝐫𝐚𝐧𝐨 𝐦𝐚𝐦𝐲 𝐦𝐢𝐢𝐬𝐚 𝟑, 𝐝𝐢𝐚 𝐧𝐲 𝐭𝐚𝐨 𝐚𝐦𝐢𝐧’𝐧𝐲 𝐊𝐚𝐨𝐦𝐢𝐧𝐢𝐧𝐚 𝐀𝐦𝐛𝐨𝐧𝐝𝐫𝐨 (𝐃𝐢𝐬𝐭𝐫𝐢𝐤𝐚 𝐀𝐦𝐛𝐨𝐯𝐨𝐦𝐛𝐞), 𝐁𝐞𝐡𝐚𝐫𝐚 (𝐃𝐢𝐬𝐭𝐫𝐢𝐤𝐚 𝐀𝐦𝐛𝐨𝐚𝐬𝐚𝐫𝐲 𝐀𝐭𝐬𝐢𝐦𝐨, 𝐀𝐧𝐝𝐫𝐚𝐧𝐨𝐛𝐨𝐫𝐲 (𝐃𝐢𝐬𝐭𝐫𝐢𝐤𝐚 𝐓𝐚𝐨𝐥𝐚𝐠𝐧𝐚𝐫𝐨). Ary 𝐢𝐫𝐞𝐨 𝐟𝐨𝐭𝐨𝐝𝐫𝐚𝐟𝐢𝐭𝐫𝐚𝐬𝐚 𝐟𝐚𝐦𝐚𝐭𝐬𝐢𝐚𝐧-𝐝𝐫𝐚𝐧𝐨 𝐦𝐚𝐫𝐨𝐥𝐚𝐟𝐲 (𝐒𝐲𝐬𝐭è𝐦𝐞 𝐦𝐮𝐥𝐭𝐢-𝐮𝐬𝐚𝐠𝐞) 𝐭𝐨𝐲 𝐧𝐲 𝐭𝐚𝐨 𝐚𝐦𝐢𝐧’𝐧𝐲 𝐊𝐚𝐨𝐦𝐢𝐧𝐢𝐧𝐚 𝐀𝐧𝐤𝐚𝐫𝐚𝐦𝐞𝐧𝐚 (𝐃𝐢𝐬𝐭𝐫𝐢𝐤𝐚 𝐓𝐚𝐨𝐥𝐚𝐠𝐧𝐚𝐫𝐨).

Maneho ny fahavononany ny MEAH hanamafy hatrany ny fanaraha-maso sy ny fiantohana ny kalitao ary ny faharetan’ireo fotodrafitrasa naorina izao hetsika izao, mba hahazoan’ny mponina ao Anosy sy Androy rano fisotro madio, azo antoka ary maharitra