Iray volana sy tapany taorian’ny fidinana ifotony nataon-dRamatoa Minisitry ny Rano, ny Fanadiovana sy ny Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, dia hita mazava ankehitriny fa mandroso araka ny tokony ho izy ny asa fanorenana eny Mandroseza.

Manoloana ny tsy fahampian’ny famokarana rano izay mahatratra 100 000m³ isan’andro eto Antananarivo, dia vinavinaina 𝗵𝗶𝗮𝗸𝗮𝘁𝗿𝗮 𝟮𝟱% 𝗻𝘆 𝗳𝗮𝗺𝗼𝗸𝗮𝗿𝗮𝗻𝗮 rehefa vita ireo fotodrafitrasa. Tanjona lehibe amin’izany ny hanamaivanana haingana ny fahasahiranan’ny mponina eto Antananarivo.

Asa goavana telo no fototry ny fanavaozana : efa voasolo ireo paompy lehibe simba ka mampihena ny fahatapahan-drano, eo am-pananganana tobim-pamokarana rano vaovao mahavokatra 𝟐𝟐 𝟎𝟎𝟎𝐦³ isan’andro, ary hatsangana ihany koa ny “𝐬𝐭𝐚𝐭𝐢𝐨𝐧 𝐝𝐞 𝐩𝐨𝐦𝐩𝐚𝐠𝐞” vaovao hanatsarana ny fizarana rano.

Ankoatra izany, 𝐟𝐚𝐧𝐭𝐬𝐨𝐧𝐚 𝐦𝐢𝐫𝐞𝐟𝐲 𝟔𝟒 𝐤𝐦 𝐧𝐨 𝐡𝐨𝐬𝐨𝐥𝐨𝐢𝐧𝐚, ho fanatsarana ny kalitaon’ny rano sy hiadiana amin’ny fahalotoana.

Efa 𝐦𝐚𝐡𝐚𝐭𝐫𝐚𝐭𝐫𝐚 𝟕𝟎% amin’izao fotoana izao ny fandrosoan’ny asa eo @ tobim-pamokarana vaovao, ary vinavinaina hanomboka hiasa amin’ny fiandohan’ny volana Mey ity fotodrafitrasa vaovao ity.

Ity tetikasa *PAAEP* ity, iarahan’ny 𝗠𝗘𝗔𝗛, 𝗻𝘆 𝗝𝗜𝗥𝗔𝗠𝗔 𝗮𝗿𝘆 𝗻𝘆 *Banque Iraisam-pirenena* ity, dia anisan’ny ezakin’ny Fitondram-panjakana hanatsarana ny famatsian-drano fisotro madio ho an’ny Malagasy manerana ny Nosy.