🔹Isany tonga namaly ny fampiantsoana azy teny anivon’ny Antenimierapirenena, ny 17 novambra 2025, ny Ministry ny Rano, ny Fanadiovana ary ny Fidiovana Dr RAZAFINDRIANIAINA Minosoa Anjaratiana Elia.
🔹Fotoana iray izay nentina nanambarany fa anisan’ny fanamby faharoa ny Fanavaozana ny Repoblikan’i Madagasikara ny fampisitrahana Rano Fisotro Madio ho an’ny malagasy rehetra ary ny fananana tanana madio.
🔹Noho izany indrindra no nametrahany vina ny amin’ny fanamboarana fotodrafitrasa vaovao sy maharitra ary fanavaozana ireo efa nisy mba ho fanatsarana ny fampisitrahana Rano Fisotro Madio ho an’ny mponina an-drenivohitra sy any ambanivohitra.
▶️Hisy araka izany ny fananganana ny Cellule de Suivi et d’Accélération (CSA) mba hisian’ny fanaraha-maso akaiky ny fampandehanana ny asa famatsiana Rano Fisotro Madio.
🕙Naharitra ora maro ny fihaonana tamin’ireo Solombavambahoaka, miisa 58 ireo fanontaniana sy fanamarihana mahakasika ny sehatry ny rano, fanadiovana ary ny fidiovana.