Ho fiomanana sahady amin’ny vanim-potoanan’ny haintany, groupe électrogène de secours miisa 25 no natolotr’Andriamatoa Filohan’ny Repoblika Andry RAJOELINA, tamin’ny volana Aprily lasa teo nandritry ny Herinandro Nasionaly momba ny Rano izay fiarahamiasa tamin’ny Banky iraisampirenena.
Ireo groupe électrogène de secours (GES) ireo dia apetraka eto Antananarivo sy ny manodidina ka hanome herinaratra raha sendra misy fahatapahana, mba hahafahan’ny tobim-pamokarana rano manohy ny asany tsy misy fitsaharana.
Ny 6 Aogositra 2025, Andriamatoa Minisitry ny Rano sy ny Fanadiovana ary ny Fidiovana, niaraka tamin’ireo teknisianin’ny Ministera, ny PAAEP ary ny JIRAMA, dia nidina ifotony nanara-maso ny fametrahana sy fandehanan’ireo GES tao Amoronakona, Mandikanamana ary tao amin’ny Captage Ikopa, izay mahatratra 750 kVA ary mamokatra hatramin’ny 192 000 m3/j raha tsy misy fatapahana.