📍 Farafangana – Talata 27 mey 2025
Taorian’ny fihaonana sy fiarahabana nataon’Atoa Minisitry ny Rano, ny Fanadiovana ary ny Fidiovana tamin’ireo Ampanjaka teto Farafangana, dia nidina ifotony nijery ny fizotry ny asa amin’ny tetikasa fanamafisana sy fanatsarana ny famatsian-drano fisotro madio ho an’ny tanànan’i Farafangana.
🚧 Ity tetikasa ity dia nihantona hatramin’ny taona 2022 ny fanohizana azy, ka ny tranche conditionnelle ihany no vita. Tafiditra ao anatin’izany ireto asa manaraka ireto :
• Fanamboarana réservoir 800 m³ (génie civil),
• Fametrahana fitaovana hydraulique sy électromécanique,
• Fanavaozana ny station de traitement efa nisy.
📣 Nambaran’ny solombavambahoaka voafidy tao an-toerana, izay tonga nanome voninahitra ny fankalazana ny JMHM fa efa nandrasan’ny vahoakan’i Farafangana hatry ny ela ny fahavitan’ity fotodrafitrasa manan-danja ity.
✅ Raha vantany vao nahita ny zava-misy teny an-toerana, dia nanambara mazava Atoa Minisitra fa ho laharam-pahamehana nasionaly ny famitana feno ity tetikasa ity, mba hahazoan’ny mponina rano fisotro madio sy maharitra.