Mitohy ny ezaka hanatsarana ny famatsian-drano eto Mahajanga. Ny 𝟐𝟓 𝐦𝐞𝐲 𝟐𝟎𝟐𝟔 dia nitsidika ny tobim-pamatsian-drano ao Tsiazonangoly Ramatoa Minisitry ny Rano, ny Fanadiovana sy ny Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖 niaraka tamin’ireo tomponandraikitra isan-tsokajiny, nijery ny fandrosoan’ny asa sy ny vahaolana entina hanatsarana ny rano ho an’ny mponina.

Efa misy rano tonga ao amin’ilay tobim-pitahirizana ary efa mandeha ihany koa ny fanomanana ny famatsiana herinaratra amin’ny alalan’ny transformateur 160 Kva ilaina amin’ny fampandehanana ny fitaovana. Mbola misy asa fanampiny hotanterahina mba hahafahana mizara rano manerana ny tanàna.

Ankehitriny dia efa tafaverina amin’ny famokarana 27 000 m³ isan’andro i Mahajanga, na dia mbola misy banga 7 000 m³ isan’andro ny rano. Etsy ankilany, efa natomboka ihany koa ireo asa maika ao anatin’ny tetikasa PAAEP, izay vinavinaina ho vita afaka enim-bolana.