Nandritra ny fanokafana tamin’ny fomba ofisialy ny fankalazana ny 𝐟𝐚𝐡𝐚-𝟓𝟎 𝐭𝐚𝐨𝐧𝐚𝐧’𝐧𝐲 𝐉𝐈𝐑𝐀𝐌𝐀 tao Mandroseza dia notokananan’ny Filohan’ny Fanavaozana 𝐍𝐲 𝐊𝐨𝐥𝐨𝐧𝐞𝐥𝐲 𝐑𝐀𝐍𝐃𝐑𝐈𝐀𝐍𝐈𝐑𝐈𝐍𝐀 𝐌𝐢𝐜𝐡𝐚ë𝐥, ny 𝐔𝐧𝐢𝐭é 𝐂𝐨𝐦𝐩𝐚𝐜𝐭𝐞 𝐝𝐞 𝐓𝐫𝐚𝐢𝐭𝐞𝐦𝐞𝐧𝐭 (𝐔𝐂𝐓) vaovao, fotodrafitrasa stratejika hanamafisana ny famatsian-drano fisotro madio eto Antananarivo sy ny manodidina.

Notronin’ny Mpanolontsaina avo, Ny Kolonely RAMPANARIVO Solofoniaina Thierry, ny Praiminisitra sy ireo mpikambana ao amin’ny Governemanta isan’izany ny Minisitry ny Rano, ny Fanadiovana ary ny Fidiovana,𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖 , sy ny Minisitry ny Angovo sy Akoranafo, Andriamatoa 𝙍𝙖𝙗𝙚𝙖𝙧𝙞𝙢𝙖𝙣𝙜𝙖 𝙍𝙖𝙙𝙤𝙣𝙞𝙧𝙞𝙣𝙖 𝙇𝙪𝙘𝙖𝙨, ireo Solombavambahoaka, ary ireo olo-manan-kaja maro, ity lanonana ity.

Miaraka amin’ny fanamafisana ny tobim-pamokarana Mandroseza II Bis, dia hanampy rano 𝟒𝟐 𝟎𝟎𝟎 𝐦³ isan’andro ho an’ny tambajotran-drano eto an-drenivohitra ity UCT vaovao ity, ho fanatsarana ny famatsian-drano ho an’ny mponina.

Nafainganina ary novitaina tanatin’ny fotoana fohy ity fotodrafitrasa ity hamahana ny olan’ny tsy fahampian-drano eto Antananarivo.

Tetikasa tanterahina ao anatin’ny 𝐏𝐀𝐀𝐄𝐏, vatsian’ny Banky Iraisam-pirenena izao fotodrafitrasa izao, izay maneho ny ezaky ny Fanjakana amin’ny fahafahan’ny vahoaka manerana ny nosy misitraka rano fisotro madio.