Miharihary ankehitriny ny vokatry ny politika napetraky ny Fanjakana eo amin’ny sehatry ny rano, fanadiovana ary fidiovana eto amin’ny Farita Menabe. Natolotry ny Minisitry ny Rano, ny Fanadiovana sy ny Fidiovana 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, ny 𝟏𝟎 𝐀𝐩𝐫𝐢𝐥𝐲 𝟐𝟎𝟐𝟔 ny fotodrafitrasa rano fisotro madio, izay ny 𝐅𝐨𝐤𝐨𝐧𝐭𝐚𝐧𝐲 𝐀𝐧𝐝𝐫𝐚𝐧𝐨𝐯𝐨𝐫𝐢𝐭𝐚𝐫𝐞𝐭𝐫𝐚, 𝐀𝐧𝐭𝐬𝐚𝐫𝐢𝐛𝐚𝐨 𝐚𝐫𝐲 𝐀𝐦𝐩𝐚𝐧𝐝𝐫𝐚 ao amin’ny Kaominina ambonivohitra Analaiva, Distrikan’ny Morondava, no nisitraka izany.

Fotodrafitrasa rano fisotro madio maharitra no napetraka, ahitana 𝙛𝙤𝙧𝙖𝙜𝙚 𝙢𝙖𝙣𝙙𝙚𝙝𝙖 𝙖𝙢𝙞𝙣’𝙣𝙮 𝙝𝙚𝙧𝙞𝙣’𝙣𝙮 𝙢𝙖𝙨𝙤𝙖𝙣𝙙𝙧𝙤, 𝙛𝙞𝙩𝙨𝙞𝙣𝙟𝙖𝙧𝙖𝙣𝙖 𝙧𝙖𝙣𝙤 𝙩𝙤𝙣𝙜𝙖 𝙚𝙣𝙮 𝙖𝙢𝙞𝙣’𝙣𝙮 𝙩𝙤𝙠𝙖𝙣𝙩𝙧𝙖𝙣𝙤 (𝙗𝙧𝙖𝙣𝙘𝙝𝙚𝙢𝙚𝙣𝙩 𝙥𝙖𝙧𝙩𝙞𝙘𝙪𝙡𝙞𝙚𝙧), 𝙚𝙣𝙮 𝙖𝙢𝙞𝙣’𝙣𝙮 𝙨𝙖𝙢𝙥𝙖𝙣-𝙙𝙧𝙖𝙝𝙖𝙧𝙖𝙝𝙖 𝙨𝙮 𝙨𝙚𝙠𝙤𝙡𝙮 (𝙗𝙧𝙖𝙣𝙘𝙝𝙚𝙢𝙚𝙣𝙩 𝙞𝙣𝙨𝙩𝙞𝙩𝙪𝙩𝙞𝙤𝙣𝙣𝙚𝙡), 𝙖𝙧𝙮 𝙚𝙣𝙮 𝙖𝙢𝙞𝙣’𝙣𝙮 𝙙𝙖𝙝𝙤𝙡𝙤𝙗𝙚 (𝙗𝙧𝙖𝙣𝙘𝙝𝙚𝙢𝙚𝙣𝙩 𝙨𝙤𝙘𝙞𝙖𝙪𝙭).

Vokatry ny asa dia tombanana ho olona 𝟓 𝟓00 mahery no misitraka rano madio, mitondra fiovana mivantana eo amin’ny fiainan’ny tokantrano.

Ankoatra izany, notolorana fotodrafitrasa fanadiovana sy fidiovana ihany koa ny Kaominina Analaiva, izay hitondra fahasalamana ho an’olona an’arivony, ho fanamafisana ny fahadiovana sy ny fiarovana.

Ireo zava-bita ireo dia vokatry ny fiaraha-miasa akaiky nisy teo amin’ny MEAH sy ny mpiaramiombonantoka 𝐇𝐄𝐋𝐕𝐄𝐓𝐀𝐒. Hatramin’izao dia efa 𝟖𝟏 ny fotodrafitrasa famatsiana rano vita ao Menabe, nahafahan’olona maherin’ny 𝟏𝟔𝟑 𝟎𝟎𝟎 misitraka. Eo amin’ny sehatry ny fidiovana sy fanadiovana eny an-tsekoly sy toeram-pahasalamana kosa dia efa nahatratra 𝟑𝟐 ny fotodrafitrasa natsangana.

Manaporofo izany fa rehefa miray hina ny Fanjakana sy ny mpiara-miombon’antoka, dia tonga any amin’ny vahoaka ny fampandrosoana.

Manamafy ny Fanjakana fa hitohy sy hivelatra ny asa, mba tsy hisy Malagasy tavela an-kilabao amin’ny fahazoana rano fisotro madio sy tontolo madio.