Tsiroanomandidy, Faritra Bongolava, notanterahina ny 14 janoary 2026, ny fandraisana vonjimaika ny 𝗳𝗼𝘁𝗼𝗱𝗿𝗮𝗳𝗶𝘁𝗿𝗮𝘀𝗮 𝗳𝗶𝘃𝗼𝗮𝗵𝗮𝗻𝗮 𝘀𝘆 𝗳𝗶𝗱𝗶𝗼𝘃𝗮𝗻𝗮 𝘃𝗮𝗼𝘃𝗮𝗼, izay napetraka eo amin’ny Gare routière, fokontany Tsaralalàna, Kaominina Ambonivohitra Tsiroanomandidy, Faritra Bongolava.

Ny fotodrafitra izay naorina dia ahitana efitra sivy (09), ao anatin’izany:

tranofivoahana miisa efatra (04), telo (03) natokana ho an’ny vehivavy ary iray (01) ho an’ny lehilahy;

trano fivoahana sy trano fidiovana roa (02) natokana manokana ho an’ny olona manana fahasembanana, ka iray (01) ho an’ny vehivavy ary iray (01) ho an’ny lehilahy;

trano fidiovana roa (02), ka iray (01) ho an’ny lehilahy ary iray (01) ho an’ny vehivavy;

efitra iray (01) fitoeran’ny kojakoja sady ho fivarotana.

pissoirs telo (03) ho an’ny lehilahy sy toerana fanasana tànana telo (03).

Natsangana ity fotodrafitrasa ity noho ny fitomboan’ny fivezivezena sy ny filàna fototra eo anivon’ny Gare routière Tsiroanomandidy, izay ivon’ny fivezivezena ara-pitaterana sy ara-toekarena ao an-toerana.

Mponina manodidina ny ➋⓿⓿ isan’andro ny mampiasa ireto fotodrafitrasa ireto, ary antenaina fa 𝐡𝐚𝐧𝐚𝐭𝐬𝐚𝐫𝐚 𝐧𝐲 𝐟𝐚𝐡𝐚𝐝𝐢𝐨𝐯𝐚𝐧𝐚, hampihena ny fiparitahan’ny aretina ary hanome fahafaham-po ho an’ny mpandeha sy ny mpampiasa ny gare izany.

Ity asa fanorenana ity dia tanterahina ao anatin’ny tetikasa TSIROARANO (Water for Life), ary vatsian’ny WaterAid Madagascar vola, ho fanohanana ny fidirana amin’ny rano madio, ny fidiovana ary ny fahadiovana (WASH) ho an’ny rehetra.