Ho fanatanterahana ny politikam-panjakana mikendry ny famaliana haingana ny olan’ny fisitrahana rano, ny Minisiteran’ny Rano, ny Fanadiovana ary ny Fidiovana (MEAH), izay tarihin-dRamatoa Minisitra 𝐷𝑟 𝑅𝐴𝑍𝐴𝐹𝐼𝑁𝐷𝑅𝐼𝐴𝑁𝐼𝐴𝐼𝑁𝐴 𝑀𝑖𝑛𝑜𝑠𝑜𝑎 𝐴𝑛𝑗𝑎𝑟𝑎𝑡𝑖𝑎𝑛𝑎 𝐸𝑙𝑖𝑎 , dia mikendry vahaolana voarindra ary maharitra mifanaraka amin’ny filàna fototra amin’ny maha-olombelona.

Maherin’ny 1➌0 fotodrafitrasa famatsian-drano fisotro madio no napetraka manerana ny Nosy, toy ny:

– Fanamboarana forages de proximites (Analamanga, Anosy, Betsiboka ary Boeny)

– Fametrahana fotodrafitrasa famatsiana rano fisotro madio vaovao, sy fanarenana ireo simba (Anosy, Androy, Amoron’I Mania, Menabe, Betsiboka, Boeny , Sava, Atsimo Atsinanana, Atsinanana, ary Vakinakaratra)

– Fanolorana paopin-drano (Analamanga, Itasy, Sava, ary Vakinakaratra)

– Fananganana toby fitahirizan-dranon’orana (Atsimo Andrefana)

Ireo fotodrafitrasa ireo dia natao teny an- tanàn- dehibe, ambanivohitra ary faritra tratran’ny krizy ara- drano. Mponina manodidina ny 2⓿2 0⓿0 na tokantrano ➋5 5⓿0 eo ho eo no misitraka rano fisotro madio. Anisan’ny nanampy amin’ny fampihenana ny faharefoan’ny mponina amin’ny tsy fahampian-drano, indrindra ho an’ny vehivavy sy ny ankizy ny zava-bita

Eo amin’ny sehatry ny fanadiovana sy ny fidiovana dia hita taratra ihany koa ny fandrosoana, amin’ny alalan’ny asa fanadiovana an-tanàn-dehibe sy ny fametrahana fotodrafitrasa fidiovana iombonana amin’ny faritra maro, izay nahafahan’mponina ➊3 0⓿0 nisitraka fotodrafitrasa ara-pahasalamana. Ireo ezaka ireo dia mandray anjara amin’ny fisorohana ny loza ara-pahasalamana sy ny fanatsarana ny tontolo andavanandron’ny mponina.