Ny Ministeran’ny Rano, ny Fanadiovana sy ny Fidiovana dia misokatra ary miara-miasa hatrany amin’ireo rantsa-mangaika rehetra entina amin’ny fampandrosoana ny lafiny mahaolona, indrindra amin’ny sehatra rano, fanadiovana sy fidiovana.

Amin’ny alalan’ny fiaraha-miasa eo amin’ny fanjakana sy ny tsy miankina na ny 𝑃𝑎𝑟𝑡𝑒𝑛𝑎𝑟𝑖𝑎𝑡 𝑝𝑢𝑏𝑙𝑖𝑐 𝑝𝑟𝑖𝑣𝑒́ no nahafahana nanangana tetikasa ho fampivoarana ny fiveloman’ireo tantsaha marefo ara-pivelomana ao amin’ny Distrikan’Antanambao-Manampotsy.

Vokatr’izany fiaraha-miasa izany, dia nanolotra fotodrafitrasa Rano Fisotro Madio ho an’ny Fokontany Mahela distrikan’Antanambao-Manampotsy Faritra Atsinanana ny Fitaleavam-paritra ny Rano, ny Fanadiovana sy ny Fidiovana any an-toerana sy ny Croix rouge Malagasy izay vatsian’ny BMUV-IKI vola.

Tokantrano misa 111 no hisitraka ireo fotodrafitrasa fisitrahana rano madio ireo.