Natolotr’i ramatoa Minisitra Dr RAZAFINDRIANIAINA Minosoa Anjaratiana Elia tamin’ny fomba ofisialy ny trano fidiovana vaovao ho an’ny Kaominina Amboasary Atsimo. 𝐓𝐚𝐟𝐢𝐝𝐢𝐭𝐫𝐚 𝐚𝐨 𝐚𝐧𝐚𝐭𝐢𝐧’𝐧𝐲 𝐚𝐬𝐚 𝐭𝐚𝐧𝐭𝐞𝐫𝐚𝐡𝐢𝐧’𝐧𝐲 𝐌𝐄𝐀𝐇, indrindra eo amin’ny sehatry ny fanadiovana sy ny fidiovana, izany.
Ity fotodrafitr’ asa ity dia natao hanatsarana ny fahadiovan’ny daholobe sy hanomezana tolotra mendrika ho an’ny mponina, ny mpivarotra sy mpanjifa eny an-tsena, ny sekoly manodidina ary ireo mpivahiny sy mpandalo.
Ny tanjona lehibe amin’ity asa vita ity dia ny hanafoanana ny fangerena ankalamanjana, ny hanatsarana ny fahasalaman’ny mponina ary ny hanomezana endrika madio sy maharitra ho an’ny tanànan’i Amboasary Atsimo.