Noraisin-dRamatoa Minisitry ny Rano, ny Fanadiovana ary ny Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, Ramatoa 𝙍𝘼𝘽𝘼𝘽 𝘼𝙗𝙙𝙚𝙡𝙝𝙖𝙙𝙞, Masoivohon’ny Repoblika Arabo Ejipsiana eto Madagasikara.

Nifantoka tamin’ny fanamafisana ny fiaraha-miasa eo amin’ny firenena roa tonta ny fihaonana, indrindra eo amin’ny sehatry ny rano sy ny fanadiovana, ary ny fanomanana ny fandraisan’anjaran’i Madagasikara amin’ny 𝐂𝐚𝐢𝐫𝐨 𝐖𝐚𝐭𝐞𝐫 𝐖𝐞𝐞𝐤 𝟐𝟎𝟐𝟔.

Nandritra ny dinika, nankasitraka manokana ny ezaka ataon’ny Ministera ny Masoivohon’i Ejipta, ary nanamarika fa hita taratra ny fihatsaran’ny fisitrahana rano fisotro madio eto Antananarivo. Niarahaba ny Ministera sy ireo ekipa rehetra miasa eny an-kianja izy noho ny ezaka lehibe vitany, ary nanome fampaherezana mba hanohizana ny asa ho tombontsoan’ny vahoaka.

Manamafy ny finiavana iraisan’i Madagasikara sy Ejipta hanamafy ny fiaraha-miasa stratejika ity fihaonana ity, ho fanohanana ny fanatsarana ny fahazoan’ny mponina rano fisotro madio sy tolotra fanadiovana maharitra.