Tontosa ny Alatsinainy 𝟎𝟒 𝐌𝐚𝐲 𝟐𝟎𝟐𝟔 ny fananganan-tsaina teo anivon’ny Minisiteran’ny Rano, ny Fanadiovana sy ny Fidiovana (MEAH), fotoana iray nanamafy ny firaisankina sy ny finiavana hiara-hiasa ho amin’ny fanatanterahana ny politikam-panjakana eo amin’ny sehatry ny rano, fanadiovana ary fidiovana.

Nitarika izany Ramatoa Minisitra 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, niaraka tamin’ny fianakaviamben’ny MEAH. Nandritra ny fotoana no nanolorana tamin’ny fomba ofisialy ireo tompon’andraikitra vaovao, ahitana ny 𝙏𝙖𝙡𝙚𝙣’𝙣𝙮 𝙆𝙖𝙗𝙞𝙣𝙚𝙩𝙧𝙖, 𝙣𝙮 𝙏𝙖𝙡𝙚 𝙅𝙚𝙣𝙚𝙧𝙖𝙡𝙞𝙣’𝙣𝙮 𝙁𝙖𝙣𝙖𝙙𝙞𝙤𝙫𝙖𝙣𝙖 𝙨𝙮 𝙣𝙮 𝙁𝙞𝙙𝙞𝙤𝙫𝙖𝙣𝙖, 𝙣𝙮 𝙈𝙥𝙖𝙣𝙙𝙧𝙞𝙣𝙙𝙧𝙖 𝙅𝙚𝙣𝙚𝙧𝙖𝙡𝙞𝙣’𝙣𝙮 𝙏𝙚𝙩𝙞𝙠𝙖𝙨𝙖 𝙨𝙮 𝙣𝙮 𝙁𝙞𝙖𝙧𝙖𝙝𝙖-𝙢𝙞𝙖𝙨𝙖, 𝙣𝙮 𝙏𝙖𝙡𝙚 𝙟𝙚𝙣𝙚𝙧𝙖𝙡𝙞𝙣’𝙣𝙮 𝙊𝙍𝙀𝘼, 𝙖𝙧𝙮 𝙞𝙧𝙚𝙤 𝙏𝙖𝙡𝙚 𝙨𝙖𝙢𝙞𝙝𝙖𝙛𝙖, izay samy handray anjara mavitrika amin’ny fanatrarana ny tanjon’ny ministera.

Naneho fankasitrahana manokana ihany koa Ramatoa Minisitra ho an’ireo mpiara-miasa rehetra noho ny fiaraha-mientana tamin’ny asa fanadiovana notanterahina teny Andravoahangy sy Ankatso, ary nanentana ny rehetra, indrindra ireo any amin’ny faritra, hanohy sy hanamafy izany ezaka izany.

Ankoatra izay, notolorana fisaorana ireo mpiasa nisolo tena ny ministera nandritra ny fifaninanana ara-panatanjahantena natao ny faran’ny herinandro teo, izay nahazo mari-pankasitrahana maro, ho mariky ny fahavononana sy ny fahombiazana mitondra ny anaran’ny MEAH.