Ho fanamafisana ny fahadiovana sy ny fidiovana eny anivon’ny sekoly, dia nanolotra fitaovana ilaina (𝒔𝒂𝒗𝒐𝒏𝒚, 𝒔𝒐𝒃𝒊𝒌𝒂 𝒇𝒂𝒏𝒂𝒓𝒊𝒂𝒎-𝒑𝒂𝒌𝒐, 𝒂𝒏𝒈𝒂𝒅𝒚, 𝒍𝒂𝒑𝒆𝒍𝒚, 𝒌𝒊𝒇𝒂𝒇𝒂, 𝒃𝒐𝒓𝒐𝒔𝒚 𝒇𝒂𝒏𝒂𝒅𝒊𝒐𝒗𝒂𝒏𝒂, 𝒔𝒏𝒔.) ho an’ireo sekoly enina voafantina ho “𝗦𝗲𝗸𝗼𝗹𝘆 𝘀𝗮𝗸𝗮𝗶𝘇𝗮𝗻’𝗻𝘆 𝗥𝗮𝗻𝗼, 𝗙𝗮𝗻𝗮𝗱𝗶𝗼𝘃𝗮𝗻𝗮 𝘀𝘆 𝗙𝗶𝗱𝗶𝗼𝘃𝗮𝗻𝗮” ny Minisiteran’ny Rano, ny Fanadiovana sy ny Fidiovana tao Tsiroanomandidy.

Nandritra izany ihany koa no nanaovana ny fandraisana vonjimaika ny 𝗳𝗼𝘁𝗼𝗱𝗿𝗮𝗳𝗶𝘁𝗿𝗮𝘀𝗮 𝘃𝗮𝗼𝘃𝗮𝗼 𝘁𝗼𝗲𝗿𝗮𝗺-𝗽𝗶𝗱𝗶𝗼𝘃𝗮𝗻𝗮 𝘀𝘆 𝗳𝗶𝘃𝗼𝗮𝗵𝗮𝗻𝗮 𝗮𝗼 𝗮𝗺𝗶𝗻’𝗻𝘆 𝗧𝗿𝗮𝗻𝗼𝗺-𝗽𝗼𝗸𝗼𝗻𝗼𝗹𝗼𝗻𝗮, ahitana efitra sivy mifanaraka amin’ny filàn’ny rehetra, anisan’izany ireo olona manana fahasembanana.

Olona manodidina ny 200 no hisitraka mivantana izany, hanatsarana ny fahadiovana sy ny fahasalaman’ny mponina.

Tafiditra ao anatin’ny tetikasa 𝗧𝗦𝗜𝗥𝗢𝗔𝗥𝗔𝗡𝗢 (𝗪𝗮𝘁𝗲𝗿 𝗳𝗼𝗿 𝗟𝗶𝗳𝗲) fiarahamiasa ny *MEAH* amin’ny 𝗪𝗮𝘁𝗲𝗿𝗔𝗶𝗱 𝗠𝗮𝗱𝗮𝗴𝗮𝘀𝗰𝗮𝗿 ity hetsika ity, ho fanamafisana ny fidirana amin’ny rano madio sy fidiovana maharitra ho an’ny rehetra.