Notanterahina teny amin’ny Carlton Anosy ny fivorian’ireo komity nasionaly mpandrindra ny tetikasa Mionjo, notarihin’Andriamatoa Ministry ny Atitany sy ny Fitsinjaram-pahefana, 𝙍𝘼𝙏𝙊𝙆𝙊𝙉𝘼𝙉𝘿𝙍𝘼𝙎𝘼𝙉𝘼 𝙃𝙖𝙣𝙞𝙩𝙧𝙖 𝙑𝙚𝙡𝙤𝙣𝙟𝙖𝙧𝙖 𝙏𝙞𝙖𝙧𝙖𝙮, natrehan’i 𝑫𝒓 𝑹𝑨𝒁𝑨𝑭𝑰𝑵𝑫𝑹𝑰𝑨𝑵𝑰𝑨𝑰𝑵𝑨 𝑴𝒊𝒏𝒐𝒔𝒐𝒂 𝑨𝒏𝒋𝒂𝒓𝒂𝒕𝒊𝒂𝒏𝒂 𝑬𝒍𝒊𝒂, Minisitry ny Rano, ny Fanadiovana ary ny Fidiovana, niaraka tamin’ireo mpiara-miombon’antoka.

Tanjon’ity fivoriana ity ny hanamafisana ny fitarihana nasionaly amin’ny fanatsarana ny fisitrahan’ny mponina rano fisotro madio sy fanadiovana maharitra any amin’ny faritra Atsimon’ny Nosy.

Nankatoavin’ny Komity ny Drafi-piasana sy ny Tetibola isan-taona 2026 sy fanatsarana fomba fiasa hafa izay manamafy ny finiavana hiantoka fitantanana mangarahara, fanatanterahana hentitra ary vokatra hita maso ho an’ny vahoaka.

Nampatsiahivina ireo zava-bita nentin’ny tetikasa Mionjo, toa ny fametrahana fantsona lehibe Mandrare–Sampona efa mamatsy kaominina maro. Teo koa ny fametrahana « MUS » amin’ireo faritra marefo indrindra izay manampy koa amin’ny fahaleovatena ara-tsakafo.

Ny tetikasa Mionjo koa dia mitondra amin’ny fanatsarana ny rafi-mpitatanana ifotony.

Mbola mitohy ary maro ireo asa ho tanterahana amin’ny io taona 2026 ho avy io any amin’ny faritra Androy sy Anôsy.