Manohy ny ezaka fanatsarana ny famatsiana rano fisotro madio ho an’ny vahoaka manerana ny Nosy ny Fitondram-panjakana amin’ny alalan’ny Ministeran’ny Rano, ny Fanadiovana sy ny Fidiovana. Tafiditra ao anatin’izany ny fanatsarana ny fitaovana entin’ny orinasa mpamatsy rano, dia ny JIRAMA.

Tamin’ny alalan’ny tetikasa 𝗣𝗔𝗔𝗘𝗣, vatsian’ny Banky Iraisam-pirenena vola, dia nanolotra fiara tsy mataho-dalana miisa 12, kamiao 3,5 taonina miisa 01 kamiao 5 taonina miisa 01 ary moto miisa 08 ny Ministera. Ireo fitaovana ireo dia hanamora sy hanafaingana ny asa eny ifotony, indrindra amin’ny 𝗳𝗮𝗻𝗮𝗿𝗮𝗵𝗮-𝗺𝗮𝘀𝗼 𝗻𝘆 𝘁𝗮𝗺𝗯𝗮𝘇𝗼𝘁𝗿𝗮 sy ny fanamboarana fotodrafitrasa.

Notanterahina ny 2 martsa 2026 tao Mandroseza ny fanolorana ofisialy, notarihin-dRamatoa Minisitry ny Rano, ny Fanadiovana sy ny Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖 , ary noraisin’ny Tale Jeneralin’ny JIRAMA, 𝙉𝙮 𝙅𝙚𝙣𝙚𝙧𝙖𝙡𝙮 𝙍𝘼𝙎𝙊𝙇𝙊𝙈𝘼𝙉𝘼𝙉𝘼 𝙃𝙖𝙟𝙖𝙩𝙞𝙖𝙣𝙖.

Tsy ho an’Antananarivo irery ireo fitaovana ireo fa hozaraina manerana an’i Madagasikara, ho fanamafisana ny tolotra rano fisotro madio sy hanatsarana ny kalitaon’ny asa ho an’ny mponina. Ary nanantitrantitra ny Minisitra fa tokony ampiasaina amin’ny rariny sy tena hamahana ny olan’ny rano ireo fitaovana ireo.