𝗔𝗻𝘁𝘀𝗶𝗿𝗮𝗯𝗲, 𝟯𝟭 𝗷𝗮𝗻𝗼𝗮𝗿𝘆 𝟮𝟬𝟮𝟲

Notanterahina androany ny fanolorana fotodrafitrasa famatsiana rano fisotro madio izay natrehan’ny Filohan’ny Fanavaozana 𝙉𝙮 𝙆𝙤𝙡𝙤𝙣𝙚𝙡𝙮 𝙍𝘼𝙉𝘿𝙍𝙄𝘼𝙉𝙄𝙍𝙄𝙉𝘼 𝙈𝙞𝙘𝙝𝙖ë𝙡 eny amin’ny Cité Universitaire Tsaratanana, ao Antsirabe. Ity hetsika ity dia tafiditra ao anatin’ny ezaka ataon’ny Fanjakana Malagasy, amin’ny alalan’ny 𝗠𝗶𝗻𝗶𝘀𝘁𝗲𝗿𝗮𝗻’𝗻𝘆 𝗥𝗮𝗻𝗼, 𝗻𝘆 𝗙𝗮𝗻𝗮𝗱𝗶𝗼𝘃𝗮𝗻𝗮 𝗮𝗿𝘆 𝗻𝘆 𝗙𝗶𝗱𝗶𝗼𝘃𝗮𝗻𝗮 (𝗠𝗘𝗔𝗛), ho fanatsarana ny fahazoan’ny mponina sy ny mpianatra rano fisotro madio, azo antoka ary maharitra.

Ny fotodrafitrasa natsangana dia 𝗳𝗼𝗿𝗮𝗴𝗲 mahaleo tena mampiasa herin’ny masoandro, ahitana paompy mandeha amin’ny herin’ny masoandro, 𝘀𝗶𝗻𝗶𝗯𝗲𝗻-𝗱𝗿𝗮𝗻𝗼 manana hadiry 10 metatra toratelo (10 m³), ary rafitra fanadiovana rano. Ireo fitaovana ireo dia natao manokana hiantohana famatsian-drano mitohy sy madio ho an’ny mpampiasa, ka mpianatra manodidina ny ➌➎⓿ no hisitraka izany mivantana.

Ankoatra ny fanorenana ny forage dia nisy ihany koa ny fanolorana fitaovana fanadiovana sy fidiovana, toy ny kofafa, savony, fandraofam-pako, fitaovana fanasana tanana, gel hydroalcoolique ary borety. Ireo fitaovana ireo dia natolotra ny Kaominina Ambonivohitr’i Antsirabe, ho fanohanana ny ezaka iombonana amin’ny fitandroana ny fahadiovana sy ny fahasalaman’ny mponina.

Nandritra ny lahateny izay nataony, nanentana ireo mpianatra sy ny mpampiasa ny fotodrafitrasa ny Minisitry ny Rano, ny Fanadiovana ary ny Fidiovana 𝑫𝒓 𝑹𝑨𝒁𝑨𝑭𝑰𝑵𝑫𝑹𝑰𝑨𝑵𝑰𝑨𝑰𝑵𝑨 𝑴𝒊𝒏𝒐𝒔𝒐𝒂 𝑨𝒏𝒋𝒂𝒓𝒂𝒕𝒊𝒂𝒏𝒂 𝑬𝒍𝒊𝒂, mba hikojakoja sy hitantana am-pahamatorana ity fotodrafitrasa ity, ho antoka haharetany sy hahasoa ny taranaka ankehitriny sy ny taranaka ho avy.