Ho fanohanana ireo fianakaviana traboina vokatry ny faharavan-trano nateraky ny fanatanterahana ny tetikasa PORT (SPAT)ao Toamasina, dia nandray fepetra maika ny 𝐌𝐢𝐧𝐢𝐬𝐢𝐭𝐞𝐫𝐚𝐧’𝐧𝐲 𝐑𝐚𝐧𝐨, 𝐧𝐲 𝐅𝐚𝐧𝐚𝐝𝐢𝐨𝐯𝐚𝐧𝐚 𝐬𝐲 𝐧𝐲 𝐅𝐢𝐝𝐢𝐨𝐯𝐚𝐧𝐚 (𝐌𝐄𝐀𝐇), tamin’ny alalan’ny Fitaleavam-paritra Atsinanana, mba hiantohana ny fahazoan’izy ireo rano fisotro madio sy ny fahadiovana.

Napetraka ny 𝐬𝐢𝐧𝐢𝐛𝐞𝐧-𝐝𝐫𝐚𝐧𝐨 𝐦𝐚𝐡𝐚𝐳𝐚𝐤𝐚 𝟓 𝐦³ tao amin’ny Lycée II, toerana fandraisana vonjimaika ireo 𝐟𝐢𝐚𝐧𝐚𝐤𝐚𝐯𝐢𝐚𝐧𝐚 𝟏𝟎𝟕 𝐭𝐫𝐚𝐛𝐨𝐢𝐧𝐚, mba hahafahan’izy ireo misitraka rano fisotro madio mandritra izao vanim-potoana sarotra izao.

Ankoatra ny famatsian-drano dia nanolotra fitaovana ara-pahasalamana sy ara-pidiovana ihany koa ny MEAH, ahitana 𝐬𝐚𝐯𝐨𝐧𝐲, 𝐒𝐮𝐫’𝐄𝐚𝐮, 𝐟𝐢𝐭𝐚𝐨𝐯𝐚𝐧𝐚 𝐟𝐢𝐭𝐚𝐡𝐢𝐫𝐢𝐳𝐚𝐧𝐚 𝐫𝐚𝐧𝐨 𝐚𝐫𝐲 𝐠𝐞𝐥 𝐟𝐚𝐧𝐚𝐝𝐢𝐨𝐯𝐚𝐧𝐚 𝐭𝐚𝐧𝐚𝐧𝐚, ho fiarovana ny fahasalaman’ireo traboina sy hisorohana ny fiparitahan’ny aretina.

Manamafy hatrany ny Ministeran’ny Rano, ny Fanadiovana sy ny Fidiovana ny fahavononany hiara-hisalahy amin’ireo mponina marefo sy hiantoka ny fahazoana rano fisotro madio, fanadiovana ary fidiovana ho an’ny rehetra, indrindra amin’ny fotoan-tsarotra, araka ny vina tsy hisy Malagasy ho tavela an-damosina.