Taorian’ny fahasimban’ny fotodrafitrasa vokatry ny fandalovan’ny rivo-doza GEZANI, dia notanterahina ny asa fanarenana ny Toeram-pitsaboana Fototra (CSB) ao amin’ny Kaominina Fanandrahana, Faritra Atsinanana, mba hanatsarana ny tontolo ara-pahasalamana sy ny fepetra momba ny fahadiovana ao anatin’ity toeram-pitsaboana ity .

Notanterahina ny 𝐭𝐚𝐥𝐚𝐭𝐚 𝟐𝟖 𝐣𝐨𝐥𝐚𝐲 𝟐𝟎𝟐𝟔 ny fandraisana vonjimaika ireo fotodrafitrasa vita, izay dingana lehibe amin’ny famerenana amin’ny laoniny sy fanatsarana ny fotodrafitrasa fanadiovana sy fidiovana. Anisan’izany ny trano fivoahana misy efitra enina, ny toeram-pidiovana, ny toeram-pandoroana fako ara-pitsaboana ary ny toeram-panangonana fako.

Ireo asa fanarenana ireo no tanteraka nohon’ny fiaraha-miasan’ny MEAH tamin’ny alalan’ny famatsiam-bolan’ny Action Contre la Faim (ACF), ka nahafahana nanarina ireo fotodrafitrasa simba vokatry ny rivo-doza ary nanatsara ny fandraisana an-tanana ny filan’ny mponina eo amin’ny sehatry ny fahasalamana sy ny fidiovana.