Mitondra fiovana mivaingana eo amin’ny fiainan’ny mponina ny fahatongavan’ny Rano Fisotro Madio ao amin’ny 𝐅𝐨𝐤𝐨𝐧𝐭𝐚𝐧𝐲 𝐌𝐚𝐡𝐚𝐳𝐨𝐚𝐫𝐢𝐯𝐨, 𝐊𝐚𝐨𝐦𝐢𝐧𝐢𝐧𝐚 𝐀𝐦𝐛𝐚𝐧𝐢𝐯𝐨𝐡𝐢𝐭𝐫𝐚 𝐌𝐚𝐡𝐚𝐥𝐲, 𝐃𝐢𝐬𝐭𝐫𝐢𝐤𝐚𝐧’𝐀𝐦𝐛𝐨𝐚𝐬𝐚𝐫𝐲 𝐀𝐭𝐬𝐢𝐦𝐨. Miisa 𝟓𝟐𝟕 ireo mponina misitraka mivantana ity fotodrafitrasa vaovao ity, izay ahitana forage, sinibendrano 10m³, Smart Tap roa na toerana fantsakana rano ary toeram-pambolena legioma.

Ankoatra ny fanamorana ny fahazoana rano isan’andro, dia manampy betsaka amin’ny fiarovana ny fahasalaman’ny mponina, ny fanatsarana ny fahadiovana ary ny fampivoarana ny fari-piainana ny fisian’ity fotodrafitrasa ity. Efa mandeha araka ny tokony ho izy ny famatsian-drano taorian’ny fitsirihana ara-teknika natao, ary mbola hotohizana ireo fanitsiana farany hanamafisana ny kalitao sy ny faharetan’ny tolotra.

Mitohy hatrany ny ezaka ho fanomezana rano fisotro madio maharitra ho an’ny vahoaka Malagasy, amin’ny alalan’ny fiaraha-miasa amin’ny tetikasa MIONJO izay vatsian’ny Banky Iraisam-pirenena vola.