Natolotra tamin’ny fomba ofisialy ny 𝟏𝟒 𝐚𝐨𝐠𝐨𝐬𝐢𝐭𝐫𝐚 𝟐𝟎𝟐𝟔 tao amin’ny Fokontany Ampitabe, Kaominina Ambanivohitra Ambohibary, Distrikan’i Moramanga, Faritra Alaotra Mangoro, 𝐧𝐲 𝐟𝐨𝐭𝐨𝐝𝐫𝐚𝐟𝐢𝐭𝐫𝐚𝐬𝐚 𝐟𝐚𝐦𝐚𝐭𝐬𝐢𝐚𝐧-𝐝𝐫𝐚𝐧𝐨 (𝐀𝐄𝐏𝐆), ho fanamafisana ny fahazoan’ny mponina rano fisotro madio sy azo antoka.

Ahitana fitahirizan-drano 40 m³ sy bornes fontaines miisa 𝟏𝟑 ity fotodrafitrasa ity, izay hahafahan’ny mponina manodidina ny 𝟐 𝟕𝟑𝟎 misitraka rano fisotro madio. Namboarina mifanaraka amin’ny vinavina fanitarana ny tambajotra famatsian-drano ity fotodrafitrasa ity, ary voantoka mandritra ny 15 taona ny kalitaony sy ny faharetany.

Ity tetikasa ity dia vokatry ny fiaraha-miasan’ny 𝐌𝐢𝐧𝐢𝐬𝐭𝐞𝐫𝐚𝐧’𝐧𝐲 𝐑𝐚𝐧𝐨, 𝐅𝐚𝐧𝐚𝐝𝐢𝐨𝐯𝐚𝐧𝐚 𝐚𝐫𝐲 𝐧𝐲 𝐅𝐢𝐝𝐢𝐨𝐯𝐚𝐧𝐚, 𝐁𝐮𝐬𝐡𝐏𝐫𝐨𝐨𝐟, 𝐧𝐲 𝐊𝐚𝐨𝐦𝐢𝐧𝐢𝐧𝐚 𝐀𝐦𝐛𝐚𝐧𝐢𝐯𝐨𝐡𝐢𝐭𝐫𝐚 𝐀𝐦𝐛𝐨𝐡𝐢𝐛𝐚𝐫𝐲, 𝐚𝐫𝐲 𝐧𝐲 𝐟𝐚𝐧𝐨𝐡𝐚𝐧𝐚𝐧𝐚 𝐚𝐫𝐚-𝐛𝐨𝐥𝐚 𝐚𝐯𝐲 𝐚𝐦𝐢𝐧’𝐧𝐲 𝐒𝐀 𝐀𝐦𝐛𝐚𝐭𝐨𝐯𝐲, maneho ny fiaraha-mientana amin’ny fanatsarana ny fahazoan’ny mponina rano fisotro madio sy ny fampandrosoana maharitra eny ifotony.