Mandritra ny diany any N’Djamena, Tchad, dia nanatanteraka fihaonana stratejika roa i 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, Minisitry ny Rano, ny Fanadiovana sy ny Fidiovana.

Ny fihaonana voalohany dia niarahana tamin’𝘼𝙣𝙙𝙧𝙞𝙖𝙢𝙖𝙩𝙤𝙖 𝙋𝙖𝙨𝙨𝙖𝙡é 𝙆𝙖𝙣𝙖𝙗é 𝙈𝙖𝙧𝙘𝙚𝙡𝙞𝙣, Minisitry ny Rano sy ny Angovo ao amin’ny Repoblikan’i Tchad. Nifantoka tamin’ny fanamafisana ny fiaraha-miasa teo amin’ny firenena roa tonta ny dinika, tamin’ny alalan’ny fifampizarana traikefa sy paikady momba ny fitantanana ny loharanon-drano sy ny fanatsarana ny famatsiana rano fisotro madio. Nohamafisin’ny roa tonta ny fahavononana hanitatra ny fiaraha-miasa sy hampiroborobo ireo tetikasa iombonana ho fampandrosoana ny sehatry ny rano.

Nanatanteraka fihaonana tamin-𝙙𝙍𝙖𝙢𝙖𝙩𝙤𝙖 𝘼𝙣𝙣𝙖 𝙒𝙚𝙡𝙡𝙚𝙨𝙩𝙚𝙞𝙣,𝘿𝙞𝙧𝙚𝙘𝙩𝙧𝙞𝙘𝙚 𝙍𝙚𝙜𝙞𝙤𝙣𝙖𝙡𝙚 𝙙𝙪 𝙥ô𝙡𝙚 𝙀𝙖𝙪 𝙨𝙮 𝙎𝙤𝙢𝙖 𝙂𝙝𝙤𝙨𝙝, 𝙍𝙚𝙨𝙥𝙤𝙣𝙨𝙖𝙗𝙡𝙚 𝙥ô𝙡𝙚 𝙀𝙖𝙪, izay Solotenan’ny Banky Iraisam-pirenena, ihany koa Ramatoa Minisitra. Nandritra izany no namerenana nijery ireo vokatra lehibe azo tamin’ny fiaraha-miasa teo amin’i Madagasikara sy ny Banky Iraisam-pirenena, indrindra tamin’ny alalan’ny tetikasa PAAEP sy MIONJO, ary nohamafisina ny fanohizana ny fanohanana ireo tetikasa stratejika, ny fanavaozana ny orinasa JIRAMA ary ny fanatsarana ny famatsiana rano fisotro madio.

Tao anatin’io fotoana io ihany koa no nanambaran’ny Banky Iraisam-pirenena fa hisy famatsiam-bola ho an’ny tetikasa hanamafisana ny fahaiza-miatrika ny fiovan’ny toetrandro, izay ahitana ny fanadihadiana momba ny fananganana fitahirizan-drano, ary ny fanatsarana ny famatsiana rano fisotro madio.

Ireo fihaonana ireo dia manamafy ny fitokisan’ireo mpiara-miombonantoka iraisam-pirenena an’i Madagasikara sy ny fitohizan’ny fiaraha-miasa amin’ny Governemanta, ho fanatanterahana ireo tetikasa lehibe sy maharitra, mba hanatsarana ny fahazoan’ny mponina rano fisotro madio sy ny tolotra Rano, Fanadiovana sy Fidiovana manerana ny Nosy.