Nitsidika ny asa ao anatin’ny tetikasa PIAA2 teny Anosy sy Mahamasina Andriamatoa Bruno FUCHS, Solombavambahoaka Frantsay, niaraka tamin’ireo solontenan’ny MEAH, AFD, Union Européenne ary CUA. Efa vita 78,65 % ny dingana voalohany ary efa natomboka ny dingana faharoa hatrany Mahamasina. Mitohy ihany koa ny fanatsarana ny fotodrafitrasa sy ny fandaminana ny lalana ary ny fanohanana ireo mpivarotra. Hahazo fanentanana sy fanohanana mandritra ny 36 volana ihany koa ireo Fokontany 52, ka ny tanjona dia ny hampihenana ny tondradrano sy hanatsarana ny fari-piainan’ny mponina eto an-drenivohitra.