Notanterahina ny 𝟐𝟑 𝐣𝐨𝐥𝐚𝐲 𝟐𝟎𝟐𝟔 tao amin’ny Havoria Anosy ny lanonana fanolorana loka ho an’ireo Fokontany nahavita niavaka tamin’ny fifaninanana « 𝐅𝐨𝐤𝐨𝐧𝐭𝐚𝐧𝐲 𝐌𝐚𝐝𝐢𝐨 », notarihin-dRamatoa 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, Minisitry ny Rano, ny Fanadiovana sy ny Fidiovana, niaraka tamin’ireo tomponandraiki-panjakana sy ireo mpiara-miombonantoka. Nanehoana sy nanamafisana ny lohahevitra « 𝐅𝐨𝐤𝐨𝐧𝐭𝐚𝐧𝐲 𝐦𝐚𝐝𝐢𝐨, 𝐓𝐚𝐧à𝐧𝐚 𝐦𝐚𝐝𝐢𝐨, 𝐌𝐚𝐝𝐚𝐠𝐚𝐬𝐢𝐤𝐚𝐫𝐚 𝐦𝐚𝐝𝐢𝐨 » ity hetsika ity, izay tafiditra ao anatin’ny fanatanterahana ny Politika Nasionaly momba ny Rano, ny Fanadiovana ary ny Fidiovana (PNEAH) sy ny tondrozotra « 𝐌𝐚𝐝𝐚𝐠𝐚𝐬𝐢𝐤𝐚𝐫𝐚 𝐌𝐚𝐝𝐢𝐨 ».

Fokontany 192 avy amin’ny Kaominina Antananarivo Renivohitra no nandray anjara tamin’ny fifaninanana. Taorian’ny dingana samihafa tamin’ny fanombanana dia 60 no voafantina, ary 12 no tafakatra tamin’ny dingana famaranana. Ny 𝐅𝐨𝐤𝐨𝐧𝐭𝐚𝐧𝐲 𝐌𝐚𝐧𝐣𝐚𝐤𝐚𝐦𝐢𝐚𝐝𝐚𝐧𝐚 no nahazo ny laharana voalohany, narahin’ny 𝐅𝐨𝐤𝐨𝐧𝐭𝐚𝐧𝐲 𝐀𝐧𝐭𝐚𝐧𝐞𝐭𝐲 𝐀𝐯𝐚𝐫𝐚𝐭𝐫𝐚 tamin’ny laharana faharoa, ary ny 𝐅𝐨𝐤𝐨𝐧𝐭𝐚𝐧𝐲 𝐀𝐦𝐩𝐚𝐧𝐝𝐫𝐚𝐧𝐚 𝐀𝐧𝐝𝐫𝐞𝐟𝐚𝐧𝐚 kosa no nahazo ny laharana fahatelo.

Ity fifaninanana ity dia maneho ny finiavana hanamafy ny fandraisan’andraikitry ny isam-batan’olona sy ny fiarahamonina amin’ny fitandroana ny fahadiovana eny ifotony. Tanjona ny hampiorina ny fahadiovana ho soatoavina sy fomba fiaina maharitra, ho fanorenana Fokontany madio, Tanàna madio ary Madagasikara madio.

Tolorana fisaorana:

– Ny 𝐊𝐚𝐨𝐦𝐢𝐧𝐢𝐧𝐚 𝐀𝐧𝐭𝐚𝐧𝐚𝐧𝐚𝐫𝐢𝐯𝐨 𝐑𝐞𝐧𝐢𝐯𝐨𝐡𝐢𝐭𝐫𝐚, 𝐧𝐲 𝐀𝐏𝐈𝐏𝐀, 𝐧𝐲 𝐒𝐌𝐀, 𝐧𝐲 𝐕𝐨𝐤𝐨𝐯𝐨𝐤𝐨 𝐌𝐞𝐧𝐚 𝐌𝐚𝐥𝐚𝐠𝐚𝐬𝐲, 𝐧𝐲 𝐒𝐓𝐂𝐕, 𝐢𝐫𝐞𝐨 𝐟𝐢𝐤𝐚𝐦𝐛𝐚𝐧𝐚𝐧𝐚 𝐒𝐤𝐨𝐭𝐨, 𝐢𝐫𝐞𝐨 𝐨𝐧𝐢𝐯𝐞𝐫𝐬𝐢𝐭𝐞, 𝐢𝐫𝐞𝐨 𝐟𝐢𝐤𝐚𝐦𝐛𝐚𝐧𝐚𝐧𝐚 𝐦𝐚𝐫𝐨 𝐬𝐚𝐦𝐢𝐡𝐚𝐟𝐚 𝐚𝐫𝐲 𝐢𝐫𝐞𝐨 𝐞𝐤𝐢𝐩𝐚 𝐭𝐞𝐤𝐧𝐢𝐤𝐚 𝐫𝐞𝐡𝐞𝐭𝐫𝐚.

– Ireo mpiara-miombonantoka ara-teknika sy ara-bola: 𝐔𝐍𝐈𝐂𝐄𝐅, 𝐖𝐚𝐭𝐞𝐫𝐀𝐢𝐝 𝐌𝐚𝐝𝐚𝐠𝐚𝐬𝐜𝐚𝐫, 𝐖𝐒𝐔𝐏,𝐆𝐑𝐄𝐓, 𝐖𝐇𝐇, 𝐒𝐀𝐅 𝐅𝐉𝐊𝐌, 𝐎𝐍𝐆 𝐒𝐀𝐇𝐈, 𝐑𝐀𝐍’𝐄𝐀𝐔, 𝐀𝐍𝐃𝐄𝐀,

– Ireo tetikasa 𝐏𝐈𝐀𝐀𝟐, 𝐆𝐄𝐒𝐃𝐀 𝐚𝐫𝐲 𝐌𝐈𝐎𝐍𝐉𝐎.

– Ireo orinasa tsy miankina nanohana ity hetsika ity: 𝐘𝐀𝐒 𝐌𝐚𝐝𝐚𝐠𝐚𝐬𝐜𝐚𝐫, 𝐀𝐂𝐄𝐏, 𝐈𝐌𝐏𝐄𝐂/𝐒𝐎𝐌𝐀𝐏𝐑𝐎, 𝐌𝐀𝐊𝐈𝐏𝐋𝐀𝐒𝐓, 𝐒𝐓𝐀𝐑, 𝐒𝐎𝐆𝐄𝐀 𝐒𝐀𝐓𝐎𝐌, 𝐒𝐂𝐁, 𝐏𝐋𝐀𝐒𝐂𝐎𝐌, 𝐀𝐑𝐓𝐄𝐋𝐈𝐀, 𝐕𝐎𝐋𝐍𝐈𝐂, 𝐍𝐘 𝐇𝐀𝐕𝐀𝐍𝐀, 𝐒𝐀𝐈𝐍𝐓𝐎, 𝐚𝐫𝐲 𝐇𝐀𝐁𝐈𝐁𝐎.

𝙁𝙤𝙠𝙤𝙣𝙩𝙖𝙣𝙮 𝙈𝙖𝙙𝙞𝙤 – 𝙏𝙖𝙣à𝙣𝙖 𝙈𝙖𝙙𝙞𝙤 – 𝙈𝙖𝙙𝙖𝙜𝙖𝙨𝙞𝙠𝙖𝙧𝙖 𝙈𝙖𝙙𝙞𝙤.