Ao anatin’ny fifaninanana 𝐅𝐨𝐤𝐨𝐧𝐭𝐚𝐧𝐲 𝐌𝐚𝐝𝐢𝐨, dia mitohy ny hetsika fanentanana momba ny fanadiovana sy ny fidiovana. Isan’ireo Fokontany voafantina hanohy ny dingana manaraka ny Fokontany 𝟔𝟕 𝐇𝐚 𝐀𝐯𝐚𝐫𝐚𝐭𝐫𝐚 𝐀𝐧𝐝𝐫𝐞𝐟𝐚𝐧𝐚, ka notanterahina ny 23 mey 2026 ny hetsika fanadiovana sy fanentanana teny an-toerana.

Notarihin’Andriamatoa 𝐑𝐀𝐅𝐈𝐃𝐈𝐌𝐀𝐍𝐀𝐍𝐓𝐒𝐎𝐀 𝐓𝐨𝐣𝐨𝐚𝐧𝐝𝐫𝐲 𝐓𝐢𝐚𝐧𝐚, Tale Jeneralin’ny Fanadiovana sy ny Fidiovana eo anivon’ny Minisiteran’ny Rano, ny Fanadiovana ary ny Fidiovana, ny hetsika. Nanotrona izany ihany koa ny Solombavambahoaka voafidy tao amin’ny boriboritany voalohany Andriamatoa 𝐑𝐀𝐍𝐃𝐑𝐈𝐀𝐌𝐈𝐒𝐀𝐍𝐃𝐑𝐀𝐓𝐑𝐀 𝐁𝐚𝐫𝐭𝐡é𝐥é𝐦𝐲, sy ireo tompon’andraikitra isan-tsokajiny ary ny mpiara-miombonantoka.

Skoto miisa 200 no nandray anjara tamin’ny fanentanana isan-tokantrano, nifantoka tamin’ny fanavahana ny fako sy ny fitandroana ny fahadiovana eny amin’ny manodidina. Hetsika izay manamafy ny maha-zava-dehibe ny fahadiovana sy ny fidiovana ho fiarovana ny fahasalaman’ny mponina sy ny tontolo iainana.

Ny Sabotsy 30 mey 2026 ho avy izao indray no hanohizana ny fanentanana sy ny fanadiovana ka ny ao amin’ny boriboritany faha 4 indray no voafantina amin’izany.