Notanterahina ny 𝟏𝟏 𝐉𝐢𝐨𝐧𝐚 𝟐𝟎𝟐𝟔, tao Taolagnaro, ny fanolorana tamin’ny fomba ofisialy ny fotodrafitrasa vaovaon’ny Fitaleavam-paritry ny Rano, ny Fanadiovana, sy ny Fidiovana Anôsy, izay notarihin’Andriamatoa Filohan’ny Fanavaozana ny Repoblika Ny Kôlônely 𝙍𝘼𝙉𝘿𝙍𝙄𝘼𝙉𝙄𝙍𝙄𝙉𝘼 𝙈𝙞𝙘𝙝𝙖ë𝙡, notronin’ny Mpanolontsaina Avon’ny Fanavaozana, Praiminisitra lehiben’ny Governemanta, ny Filohan’ny Antenimierampirenena, ireo mpikambana ao amin’ny gouvernemanta, isan’izany ny Minisitry ny Rano, ny Fanadiovana sy ny Fidiovana 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, sy ireo manampahefana ambony eto amin’ny Fanjakana.

Ahitana birao vaovao misy efitra folo, forage, ary mampiasa angovo mandeha amin’ny herin’ny masoandro ity fotodrafitrasa ity, ka hanampy ireo ekipan’ny Ministera any Anôsy amin’ny asa fanompoana vahoaka sy fanatanterahana ireo tetikasa momba ny rano, fanadiovana ary fidiovana manerana ny Faritra. Marihina fa ity fanorenana fotodrafitrasa ity dia vokatry ny fiaraha-miasa miaraka amin’ny tetikasa 𝐌𝐈𝐎𝐍𝐉𝐎 izay vatsian’ny Banky Iraisam-pirenena.

Nambara-dRamatoa Minisitry ny Rano, ny Fanadiovana sy ny Fidiovana, fa porofon’ny ezaka ataon’ny Fitondram-panjakana hampanakaiky ny fampandrosoana eny ifotony izao zava-bita izao.