Ny 𝟐𝟓 𝐒𝐞𝐩𝐭𝐚𝐦𝐛𝐫𝐚 𝟐𝟎𝟐𝟔, dia nisy ny fifanakalozan-kevitra teo amin’ny Minisitry ny Rano, ny Fanadiovana sy ny Fidiovana 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, sy ny Banky Iraisam-pirenena, ary ny UNICEF.

Nifantoka tamin’ny fanatsarana ny fahazoan’ny mponina, indrindra ny ankizy sy ny fianakaviana, ny rano madio, ny fidiovana ary ny fahadiovana ny fifanakalozan-kevitra.

Ao anatin’izany, 𝟑𝟐𝟎 ny rafitra Rano Multi-Usages (MUS) efa napetraka tao amin’ny faritra 3 sy distrika 13, ka 𝟑𝟔𝟓 𝟓𝟕𝟗 ny olona nahazo tombontsoa. Ireo MUS ireo dia natao hanamora ny fahazoana rano sy hanohanana ny filàn’ny mponina amin’ny fampiasana maro samihafa.

Niresahana ihany koa ny 𝐓𝐞𝐭𝐢𝐤𝐚𝐬𝐚 𝐌𝐈𝐎𝐍𝐉𝐎, indrindra ny vokatra azo sy ny fanohizana ireo ezaka efa natomboka. Noresahina ny famatsiam-bola fanampiny (financement additionnel) izay hanamafisana manokana ny volavolan’asa momba ny rano any amin’ny faritra Atsimon’i Madagasikara.

Nifantoka tamin’ny fanamafisana ny rafitra fitantanana ireo tolotra rano ihany koa ny dinika. Anisan’izany ny resaka contractualisation sy ny andraikitry ny gestionnaires, ary ny tarification mba hiantohana ny fitantanana mahomby sy maharitra ireo fotodrafitrasa. Zava-dehibe izany mba hahafahana mitazona ny kalitao sy ny fahazoan’ny mponina ny tolotra rano.

Ny fifanakalozan-kevitra dia maneho ny fahavononan’ny MEAH sy ireo mpiara-miombonantoka hanamafy ny fiaraha-miasa sy hampitombo ny fampiasam-bola amin’ny sehatry ny Rano, Fanadiovana ary Fahadiovana.