Dingana lehibe iray eo amin’ny fanatsarana ny sehatry ny fanadiovana sy fidiovana eto Madagasikara no tontosa tamin’ny fanokafana tamin’ny fomba ofisialy ny famokarana eto an-toerana ny 𝐒𝐀𝐓𝐎 𝐏𝐚𝐧, ny 13 may 2026.

Hetsika notanterahin’ny 𝙈𝙞𝙣𝙞𝙨𝙞𝙩𝙚𝙧𝙖𝙣’𝙣𝙮 𝙍𝙖𝙣𝙤, 𝙣𝙮 𝙁𝙖𝙣𝙖𝙙𝙞𝙤𝙫𝙖𝙣𝙖 𝙨𝙮 𝙣𝙮 𝙁𝙞𝙙𝙞𝙤𝙫𝙖𝙣𝙖 𝙣𝙞𝙖𝙧𝙖𝙠𝙖 𝙩𝙖𝙢𝙞𝙣’𝙣𝙮 𝙐𝙉𝙄𝘾𝙀𝙁 𝙈𝙖𝙙𝙖𝙜𝙖𝙨𝙘𝙖𝙧 𝙨𝙮 𝙣𝙮 𝙈𝙖𝙨𝙤𝙞𝙫𝙤𝙝𝙤𝙣’𝙞 𝙅𝙖𝙥𝙖𝙣𝙖 eto Madagasikara, ary niarahana tamin’ireo mpiara-miombonantoka avy amin’ny sehatra tsy miankina, isan’izany ny 𝙎𝘼𝙏𝙊 𝙨𝙮 𝙣𝙮 𝙎𝙈𝙏𝙋 𝙖𝙤 𝙖𝙣𝙖𝙩𝙞𝙣’𝙣𝙮 𝙄𝙉𝙑𝙄𝙎𝙊 𝙂𝙍𝙊𝙐𝙋.

Vahaolana ara-pidiovana vaovao sy manara-penitra ny SATO Pan, ary natao ho mora vidy, maharitra ary mifanaraka amin’ny filàn’ny tokantrano malagasy. Ankoatra ny fanamorana ny fahazoan’ny mponina fotodrafitrasa ara-pidiovana ara-pahasalamana sy azo antoka, ny famokarana eto an-toerana dia mandray anjara amin’ny fampiroboroboana ny indostria nasionaly sy ny famoronana asa.

Nambaran-dRamatoa Minisitry ny Rano, ny Fanadiovana ary ny Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, fa laharam-pahamehan’ny Fitondram-panjakana ny fanomezana vahaolana maharitra sy mendrika ho an’ny rehetra, indrindra ireo mponina marefo sy sahirana