Ho fanamafisana sy fanatsarana hatrany ny fahazoan’ny mponina rano fisotro madio, dia nanomboka ny 𝟏𝟖 𝐀𝐨𝐠𝐨𝐬𝐢𝐭𝐫𝐚 𝟐𝟎𝟐𝟔 ny fitsirihana ara-teknika ny toerana hametrahana ny ozinina hamadihana ny ranomasina ho rano fisotro madio.

Tetikasa lehibe entin’ny 𝐌𝐢𝐧𝐢𝐬𝐢𝐭𝐞𝐫𝐚𝐧’𝐧𝐲 𝐑𝐚𝐧𝐨, 𝐧𝐲 𝐅𝐚𝐧𝐚𝐝𝐢𝐨𝐯𝐚𝐧𝐚 𝐚𝐫𝐲 𝐧𝐲 𝐅𝐢𝐝𝐢𝐨𝐯𝐚𝐧𝐚 (𝐌𝐄𝐀𝐇) izy ity, ary tanterahina miaraka amin’ny 𝐀𝐮𝐫𝐞𝐚𝐭𝐞 𝐑𝐞𝐬𝐬𝐨𝐮𝐫𝐜𝐞𝐬, araka ny fifanarahana nosoniavina teny Ambotsirohitra ny 𝟎𝟔 𝐀𝐨𝐠𝐨𝐬𝐢𝐭𝐫𝐚 𝟐𝟎𝟐𝟔.

Ao anatin’ity dingana fanomanana ity dia 𝐟𝐨𝐫𝐚𝐠𝐞 𝐦𝐢𝐢𝐬𝐚 𝐯𝐚𝐥𝐨 (𝟎𝟖), izay mahatratra 20 metatra eo ho eo ny halaliny, no kasaina hatao mba hahafahana mandinika sy mamantatra ny toetra ara-teknika sy ara-jeolojikan’ny tany eo amin’ny toerana hanorenana ny ozinina.

Zava-dehibe ity fitsirihana ity satria hahafahana mahazo ireo angon-drakitra ara-teknika ilaina amin’ny famolavolana sy fanatanterahana ny tetikasa, ary hahafahana miantoka fa mifanaraka amin’ny fepetra takian’ny fotodrafitrasa ny toerana voafidy.

Ny famadihana ny ranomasina ho rano fisotro madio dia anisan’ireo vahaolana entin’ny fanjakana hampitomboana sy hampifamenoana ireo loharanon-drano, ka hanatsarana ny famatsian-drano sy hiantohana bebe kokoa ny fisitrahan’ny mponina rano fisotro madio.