Mitohy ny fanatanterahan’ny Fanjakana Malagasy, amin’ny alalan’ny Ministeran’ny Rano, Fanadiovana sy Fidiovana (MEAH), ireo tetikasa lehibe mikendry ny hanamafisana ny fahafahan’ny vahoaka misitraka rano fisotro madio manerana ny Nosy. Anisan’izany ny tetikasa famatsiana rano fisotro madio ho an’ny tanànan’Ambovombe sy ireo tanàna manodidina azy, izay 𝐯𝐚𝐭𝐬𝐢𝐚𝐧’𝐧𝐲 𝐅𝐚𝐧𝐣𝐚𝐤𝐚𝐧𝐚 𝐌𝐚𝐥𝐚𝐠𝐚𝐬𝐲 𝐯𝐨𝐥𝐚.

Natomboka 𝐧𝐲 𝟏𝟑 𝐣𝐨𝐧𝐚 𝟐𝟎𝟐𝟔 𝐚𝐨 𝐚𝐦𝐢𝐧’𝐧𝐲 𝐅𝐨𝐤𝐨𝐧𝐭𝐚𝐧𝐲 𝐀𝐧𝐝𝐫𝐚𝐧𝐨𝐠𝐨𝐚, 𝐊𝐚𝐨𝐦𝐢𝐧𝐢𝐧𝐚 𝐒𝐚𝐦𝐩𝐨𝐧𝐚, ny asa fametrahana fantsona, izay notarihin’Andriamatoa Filohan’ny Fanavaozana ny Repoblika, ny 𝙆ô𝙡ô𝙣𝙚𝙡𝙮 𝙍𝘼𝙉𝘿𝙍𝙄𝘼𝙉𝙄𝙍𝙄𝙉𝘼 𝙈𝙞𝙘𝙝𝙖ë𝙡, notronin’ny Mpanolontsaina Avon’ny Fanavaozana, Praiminisitra lehiben’ny Governemanta, ny Filohan’ny Antenimierampirenena, ireo mpikambana ao amin’ny Governemanta, niaraka tamin’ireo manampahefana ambony eto amin’ny Fanjakana, isan’izany ny Minisitry ny Rano, Fanadiovana sy Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖.

Ny tetikasa dia mikendry ny hampitombo sy hanatsara ny famatsiana rano madio ho an’ny mponina. Ny rano efa voadio dia hiainga avy amin’ny siniben-drano Andranogoa, izay manana tahiry 300 m3, ary taritina fantsona mirefy 28 km, mankao amin’ny siniben-drano manana hadiry 300m3 ao Ambovombe.

Hisitraka mivantana izany ny mponina ao amin’ny tampon-tanànan’Ambovombe sy ireo tanàna rehetra andalovan’ny fantsona, ka tombanana hahatratra 𝟑𝟑 𝟓𝟎𝟎 eo ho eo ny isan’ny olona hahazo tombontsoa amin’izany. Ho vita ny faran’ny volana jolay 2026 izao ny asa rehetra.