Mitohy ny ezaka ataon’ny fitondram-panjakana amin’ny fanomezana rano fisotro madio ho an’ny vahoaka. Natolotry ny Minisitry ny Rano, ny Fanadiovana sy ny Fidiovana 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, ny 𝟳 𝗮𝗽𝗿𝗶𝗹𝘆 𝟮𝟬𝟮𝟲 ny fotodrafitrasa Rano Fisotro Madio ao amin’ny 𝗳𝗼𝗸𝗼𝗻𝘁𝗮𝗻𝘆 𝗔𝗺𝗯𝗼𝗱𝗶𝘁𝘀𝗶𝗿𝘆, Botiboritany faha-5.

Natao manakaiky ny mponina, ka ahafahana mamaly mivantana ny filàna fototra sy anampiana ny famatsiana rano avy amin’ny JIRAMA ity fotodrafitrasa ity, izay mampiasa angovo mifangaro herin’ny masoandro, ho fiantohana ny fandehanany tsy tapaka sy ny faharetany.

Tokatrano maro be no hisitraka izany, porofo mazava amin’ny fahavononan’ny fanjakana hanamora ny fiainan’ny mponina eto Antananarivo sy hanamaivana ny vesatr’izy ireo amin’ny andavanandro.