Tonga amin’ny dingana farany ny fananganana ny “Unités compactes de traitement d’eau (UCT)” ao Mandroseza, izay efa mahatratra 97% ny fahavitan’asa. Nandritra ny fitsirihana notarihin’ny Minisitry ny Rano, ny Fanadiovana sy ny Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, dia voamarina fa efa vonona hiditra amin’ny dingana andrana fampandehanana ny toby.

Ity fotodrafitrasa ity, rehefa hiasa tanteraka, dia hanampy hatramin’ny 𝟐𝟎 𝟎𝟎𝟎 𝐦³ isan’andro amin’ny famokarana rano fisotro madio, ka hanampy betsaka amin’ny fanalefahana ny tsy fahampian-drano mianjady amin’ny mponina eto an-drenivohitra.

Na dia mbola misy aza ny fanamby amin’ny tsy fahampian-drano sy ny fahasimban’ny tambazotra, dia porofo mivaingana izao zava-bita izao fa miasa sy mandray andraikitra ny Fitondram-panjakana amin’ny fanatsarana ny fisitrahana sy ny fitsinjarana rano ho an’ny vahoaka.