Tonga nanao fitsidihana sy fanaraha-maso ireo fotodrafitrasa mahakasika ny rano ao Mahajanga androany 𝟎𝟖 𝐦𝐚𝐲 𝟐𝟎𝟐𝟔, Ramatoa Minisitry ny Rano, ny Fanadiovana ary ny Fidiovana, 𝘿𝙧 𝙍𝘼𝙕𝘼𝙁𝙄𝙉𝘿𝙍𝙄𝘼𝙉𝙄𝘼𝙄𝙉𝘼 𝙈𝙞𝙣𝙤𝙨𝙤𝙖 𝘼𝙣𝙟𝙖𝙧𝙖𝙩𝙞𝙖𝙣𝙖 𝙀𝙡𝙞𝙖, ho famaliana ny olan’ny tsy fahampian-drano izay iainan’ny vahoaka.

Nandritra izany dia notsidihina ny 𝐟𝐨𝐫𝐚𝐠𝐞 𝐒𝟒 izay nahitana fahasimbana nandritra ny 10 andro. Efa nosoloan’ny JIRAMA motera vaovao ny paompy ka miroso tsikelikely amin’ny famerenana amin’ny laoniny ny famokarana rano.

Nijery ny 𝐒𝐭𝐚𝐭𝐢𝐨𝐧 𝐝𝐞 𝐒𝐮𝐫𝐩𝐫𝐞𝐬𝐬𝐢𝐨𝐧 ao Tsiazonangoly ihany koa ny delegasiona, ka hita fa tokony hametrahana transformateur 160 kVA, mba hanamafisana ny famatsian-drano ao an-tampon-tanàna.

Tafiditra tao anatin’ny fandaharam-potoana ihany koa ny fihaonana tamin’ireo mponina ao Manjarisoa Ambony, izay nankasitraka ny fametrahana forage tao an-toerana. Io fotoana io koa dia nihainoana mivantana ny fitarainan’izy ireo ary nijerena ihany koa ireo filàna eny ifotony, ka isan’izany ny tokony hanampiana forage vaovao sy ny fametrehana lamina manokana ny fanadiovana sy ny fidiovana.

Nohamafisin-dRamatoa Minisitra fa laharam-pahamehan’ny Fitondram-panjakana ny fanatsarana ny famatsian-drano sy ny fanamafisana ireo fotodrafitrasa ho tombontsoan’ny vahoaka malagasy.