𝐀𝐧𝐭𝐚𝐧𝐚𝐧𝐚𝐫𝐢𝐯𝐨, 𝟎𝟖 𝐉𝐚𝐧𝐨𝐚𝐫𝐲 𝟐𝟎𝟐𝟔

Manohy ny ezaka fanatsarana ny famatsiana rano fisotro madio ho an’ny mponina ny Fitondram-panjakana malagasy. Natolotry ny Minisitry ny Rano, ny Fanadiovana ary ny Fidiovana 𝑫𝒓 𝑹𝑨𝒁𝑨𝑭𝑰𝑵𝑫𝑹𝑰𝑨𝑵𝑰𝑨𝑰𝑵𝑨 𝑴𝒊𝒏𝒐𝒔𝒐𝒂 𝑨𝒏𝒋𝒂𝒓𝒂𝒕𝒊𝒂𝒏𝒂 𝑬𝒍𝒊𝒂 ny JIRAMA ireo 𝗺𝗶𝗹𝗶𝗻𝗮 𝗳𝗮𝗺𝗼𝗸𝗮𝗿𝗮𝗻𝗮 𝗵𝗲𝗿𝗶𝗻𝗮𝗿𝗮𝘁𝗿𝗮 (𝗴𝗿𝗼𝘂𝗽𝗲𝘀 é𝗹𝗲𝗰𝘁𝗿𝗼𝗴è𝗻𝗲𝘀) sy fitaovana isan-karazany ho an’ireo 𝘁𝗼𝗯𝗶𝗺-𝗽𝗮𝗺𝗮𝘁𝘀𝗶𝗮𝗻-𝗱𝗿𝗮𝗻𝗼 𝘀𝘁𝗿𝗮𝘁𝗲𝗷𝗶𝗸𝗮 tantanan’ny JIRAMA eto Antananarivo sy any amin’ny faritra.

Anisan’ny sakana lehibe amin’ny famokarana sy fitsinjarana rano ny fahatapahan’ny herinaratra, ka miteraka fikorontanana eo amin’ny fahazoana rano isan-tokantrano. Mamaly mivantana izany olana izany ity fanohanana ara-pitaovana ho an’ny orinasa JIRAMA ity.

Miisa 14 ireo « groupes électrogènes » natolotra, manana tanjaka manomboka amin’ny 5 ᴋᴠᴀ ka hatramin’ny 500 ᴋᴠᴀ, mifanaraka amin’ny filàn’ny tobim-pamatsian-drano tsirairay. Anisan’ireo misitraka izany ny tobim-pamatsian-drano ao 𝘼𝙢𝙗𝙤𝙙𝙞𝙢𝙞𝙩𝙖, 𝙍𝙪𝙚 𝙂𝙪𝙞𝙡𝙡𝙚𝙩, 𝙎𝙖𝙗𝙤𝙩𝙨𝙮 𝙉𝙖𝙢𝙚𝙝𝙚𝙣𝙖, 𝘼𝙣𝙤𝙨𝙞𝙯𝙖𝙩𝙤, 𝘼𝙣𝙩𝙨𝙖𝙝𝙖𝙢𝙚𝙫𝙖, 𝙈𝙖𝙣𝙙𝙧𝙞𝙖𝙢𝙗𝙚𝙧𝙤, 𝘽𝙚𝙩𝙤𝙣𝙜𝙤𝙡𝙤, 𝙚𝙣𝙮 𝙖𝙢𝙞𝙣’𝙣𝙮 𝙊𝙣𝙞𝙫𝙚𝙧𝙨𝙞𝙩𝙚 𝘼𝙣𝙠𝙖𝙩𝙨𝙤, 𝘼𝙢𝙗𝙤𝙖𝙧𝙤𝙮, 𝘼𝙢𝙗𝙤𝙝𝙞𝙢𝙖𝙣𝙖𝙧𝙞𝙣𝙖, 𝘼𝙢𝙗𝙖𝙩𝙤𝙣𝙙𝙧𝙖𝙩𝙧𝙞𝙢𝙤, 𝘼𝙣𝙖𝙡𝙖𝙢𝙖𝙝𝙞𝙩𝙨𝙮, 𝘼𝙢𝙗𝙤𝙝𝙞𝙗𝙚 𝙖𝙧𝙮 𝘼𝙢𝙗𝙤𝙝𝙞𝙙𝙧𝙤𝙖.

Ankoatra ireo milina famokarana herinaratra ireo, dia nisy ihany koa ny fanomezana fitaovana fanamboarana sy fanamafisana ny tambazotran-drano, toy ny fantsona PVC sy galvanisé, vannes ary kojakoja ilaina amin’ny fanamboarana ny fivoahan-drano. Ireo fitaovana ireo dia hanamora ny fidirana haingana amin’ny asa fanarenana sy hampihenana ny fatiantoka ateraky ny fahasimban’ny tambazotra.

Ity hetsika ity dia tafiditra ao anatin’ny fitantanana mangarahara sy tompon’andraikitra amin’ny fampiasam-bolam-panjakana, ary maneho mazava ny fanoloran-tenan’ny 𝗠𝗶𝗻𝗶𝘀𝗶𝘁𝗲𝗿𝗮𝗻’𝗻𝘆 𝗥𝗮𝗻𝗼, 𝗻𝘆 𝗙𝗮𝗻𝗮𝗱𝗶𝗼𝘃𝗮𝗻𝗮, 𝗮𝗿𝘆 𝗻𝘆 𝗙𝗶𝗱𝗶𝗼𝘃𝗮𝗻𝗮 amin’ny fanatsarana ny fisitrahan’ny vahoaka malagasy rano fisotro madio.