Ny Sabotsy 3 Mey 2025, no nidina nijery ny fizotry ny asa fanavaozana ny fotodrafitrasa famokarana rano fisotro madio ny Minisitry ny Rano sy ny Fanadiovana ary ny Fidiovana, niaraka tamin’ny orinasa mpanatanteraka ny asa sy ny ekipa teknikan’ny MEAH.
Hita tamin’izany fa mizotra tsara araka ny tokony ho izy ny asa, efa mihoatra ny 80% ny vita, ary inoana fa ho tanteraka ara-potoana araka ny tetiandro efa nifampiresahana. Raha ny vinavina dia alohan’ny fetim-pirenena no tokony ho vita ny « essai de mise en eau » an’ireto fotodrafitrasa ireto.
Ankoatra ny fanarenana ireto fotodrafitrasa ireto dia efa misy ihany koa ny fiaraha-miasa voasonia, izay iarahan’ny Kaominina Ambonivohitra Tsiroanomandidy sy ny WaterAid Madagasikara hanatsarana ny tambazotra fizarana rano sy ny fitantanana, izay tafiditra ao anatin’ny stratejian’ny Ministera amin’ny fampiroboroboana ny sehatry ny rano fisotro madio aty amin’ny faritra Bongolava.
Marihina fa hatrany amin’ny 1.700 m³ isan’andro no vokatra andrasana amin’ity dingana voalohany ity, izay hoenti-manome rano fisotro madio ho an’ny olona miisa 66.248.